काठमाडौं- आइतबार नेपाली बजारमा सुनचाँदीको मूल्यमा वृद्धि भएको छ। आइतबार सुनको मूल्य प्रतितोला तीन सय रूपैयाँ र चाँदीको मूल्य प्रतितोला पाँच रूपैयाँले बढेको हो।
आइतबार छापावाल सुनको मूल्य प्रतितोला एक लाख १२ हजार ९ सय रूपैयाँ तोकिएको छ भने तेजाबी सुनको मूल्य प्रतितोला एक लाख १२ हजार ३ सय ५० रूपैयाँ कायम रहेको नेपाल सुनचाँदी व्यवसायी महासंघले जनाएको छ।
महासंघका अनुसार चाँदीको मूल्य आज प्रतितोला एक हजार चार सय ५५ रूपैयाँ कायम छ।
