काठमाडौं- शुक्रबार नेपाली बजारमा सुनचाँदीको मूल्यमा गिरावट आएको छ। बिहीबार तोलामा ८ सय रूपैयाँले बढेको सुनको मूल्य शुक्रबार प्रतितोला ९ सय रूपैयाँले सस्तिएको हो।
शुक्रबार छापावाल सुनको मूल्य प्रतितोला एक लाख १२ हजार ६ सय तोकिएको छ भने तेजाबी सुनको मूल्य प्रतितोला एक लाख १२ हजार ५० रूपैयाँ कायम रहेको नेपाल सुनचाँदी व्यवसायी महासंघले जनाएको छ।
चाँदी आज प्रतितोला ४० रूपैयाँले सस्तिएको छ। महासंघका अनुसार चाँदीको मूल्य आज प्रतितोला १४ सय ५० रूपैयाँ कायम छ।
