काठमाडौं- एनएमबि बैंकले आफ्ना ग्राहकहरुका लागि दुई आकर्षक अफर सार्वजनिक गरेको छ।
अफरमा ग्राहकहरुले ई-एनएमबि एप र वेबमार्फत नेपालको जुनसुकै बैंक खातामा नि:शुल्क रकम ट्रान्स्फर गर्न सक्नेछन्। परिवार र साथीहरूलाई पैसा पठाउन होस् वा व्यापारिक लेनदेनका लागि, यो अफरले ग्राहकहरूलाई सहज र प्रभावकारी रूपमा रकम ट्रान्स्फर गर्न सक्षम बनाउने बैंकले जनाएको छ। यो अफर साउन मसान्तसम्म लागु हुनेछ।
साथै एनएमबि बैंकले असार २०८० सम्म आफ्नो ग्राहकहरुलाई नि:शुल्क डेबिट कार्ड समेत जारी गर्ने भएको छ। एनएमबि बैंकका नयाँ वा विद्यमान ग्राहकहरूले कुनै पनि शुल्कबिना नै डेबिट कार्डहरू प्राप्त गर्न सक्नेछन्।