काठमाडौं- नेपाल राष्ट्र बैंकले जीएमई पे प्रालिको अनुमतिपत्र खारेज गरेको छ। राष्ट्र बैंकले उक्त कम्पनीलाई २२ असोज २०७७ मा वालेट सञ्चालनको लागि अनुमति दिएको थियो।
अनुमति लिएपनि भुक्तानी सेवा प्रदायकले तोकिएको समयमा सञ्चालन नगरेका कारण अनुमति खारेज गरेको राष्ट्र बैंकले जनाएको छ।
वालेटले भुक्तानी तथा फछ्र्यौट विननियमावली २०७७ को विनियम ३५ को उपविनियम १ (क) को व्यवस्था पालना नगरेकोले यसको अनुमति खारेज गरेको उल्लेख छ। यो व्यस्था अनुसार वालेटहरूले अनुमतिपत्र प्राप्त गरेको मितिले ६ महिनाभित्र सेवा सञ्चालन गर्नुपर्ने व्यवथा छ।
उक्त व्यवस्था यो वालेटले पालना नगरेको उल्लेख छ। अनुमति पाएको ६ महिनाभित्र सेवा सञ्चालन नगरेका वालेटको अनुमतिपत्र स्वतः खारेज हुने व्यवस्था उक्त विनियमावलीमा छ। नेपाल राष्ट्र बैंकले हालसम्म २८ वटा वालेटहरूलाई सञ्चालन अनुमति दिएको छ।
