काठमाडौं- सुकुम्बासी ब्यवस्थापनमा काठमाडौं महानगरपालिकाका प्रमुख बालेन शाहलाई असहयोग गरिरहेको सरकारले नदी किनारको अनाधिकृत बसोबास हटाइने घोषणा गरेको छ।
सरकारले स्थानीय सरकारसँगको समन्वयमा बागमती र विष्णुमती लगायत नदी किनारामा रहेका अनाधिकृत बसोबास हटाउने घोषणा गरेको हो।
आगामी आर्थिक बर्षको बजेट प्रस्तुत गर्दै अर्थमन्त्री डा. प्रकाश शरण महतले स्थानीय तहसँगको समन्वयमा वास्तविक सुकुम्बासीको वैकल्पिक व्यवस्थापन गरी बागमती र विष्णुमती लगायत नदी किनारामा रहेका अनाधिकृत बसोबास हटाइने जनाएका छन्।
काठमाडौं महानगरपालिकाका प्रमुख साहले नदी किनारामा रहेका अनाधिकृत बसोबास हटाउन संघीय सरकारले सहयोग नगरेको बताउँदै आइरहेका छन्।