काठमाडौं- नेपाल विद्युत प्राधिकरणले बिजुलीको खपत बढाउनका लागि औद्योगि उपयोग बढाउनुपर्ने निष्कर्ष निकालेको छ। 

आज आयोजित कार्यक्रममा बोल्दै प्राधिकरणका कार्यकारी निर्देशक कुलमान घिसिङले बिजुलीको खपत बढाउने एकमात्र बलियो अस्त्र औद्योगिक खपत भएको र यसैका लागि पूर्वाधारहरु बनिरहेको बताए। 

खपत बढाउनका लागि उद्योगसम्म पुग्ने प्रशारण लाइन, सवस्टेशन निर्माणको काम भइरहेको उनले बताए। केही आयोजना निर्माणाधीन रहेको र केही सुरु हुने क्रममा रहेको उनको भनाइ छ। 

पछिल्लो समय स्टिल बिलेट उद्योगबाटमात्र धेरै लोडको माग आएको उनको भनाइ छ। यो क्षेत्रबाट मात्र १ हजार मेगावाट लोड माग भएको उनले जानकारी दिए। 

औद्योगिकसँगै घरायासी प्रयोगका लागि पनि काम भइरहेको प्राधिकरणले जानकारी दिएको सार्वजनिक यातायात तथा इन्डक्सन चुल्हो पनि खपत बढाउने औजार भएको घिसिङको भनाइ छ।