काठमाडौं- 'उत्पादन साथमा अनुदान हातमा' नाराका साथ कृषि अनुदानलाई उत्पादनमा आधारित बनाइने सरकारले बजेटमार्फत घोषणा गरेको छ।
सरकारले प्रधानमन्त्री कृषि आधुनिकरण परियोजनाका लागि ३ अर्ब २२ करोड रुपैयाँ विनियोजन गरेको अर्थमन्त्री प्रकाशशरण महतले बजेट भाषणमार्फत जानकारी दिएका छन्। यस्तै 'रैथानेमा गर्व गरौँ' भन्ने नाराका साथ रैथाने बालीको बिउ संरक्षण गरिने जनाइएको छ।