काठमाडौं- अर्थमन्त्री डा. प्रकाशशरण महतले संघीय संसद्को दुवै सदनको संयुक्त बैठकमा आर्थिक वर्ष २०८०/८१ को राजस्व र व्ययको वार्षिक अनुमान (बजेट) पेश गरिरहेका छन्।
गएको मंसिरमा सम्पन्न निर्वाचनबाट आएको सरकारको यो पहिलो बजेट हो। नेकपा माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारको पहिलो बजेट अर्थमन्त्री महतले प्रस्तुत गरिरहेका छन्।
चरम आर्थिक दबाबमा रहेको सार्वजनिक वित्त, सुस्त विकास खर्च तथा बजारमा देखिएको मन्दीका बीचमा सरकारले बजेटलाई संयमित बनाउने घोषणा यसअघि नै गरेको थियो।
स्रोतको अवस्था तथा महत्वका परियोजनामा मात्र विनियोजन गर्ने अर्थमन्त्री महतले बताउँदै आएका छन्।