काठमाडौं-  नेपालमा हालसम्म ५७ हजार ७ सय ७९ ट्रेडमार्क दर्ता भएका छन्। आर्थिक सर्वेक्षण अनुसार यसरी दर्ता भएका ट्रेडमार्कमा ३१ हजार २७१ स्वदेशी छन् भने २६ हजार ५०८ विदेशी रहेका छन्।

चालु आर्थिक वर्षको आठ महिनामा भने १ हजार ७४८ ट्रेडमार्क थपिएका छन्। यसमा स्वदेशीभन्दा विदेशीको संख्या धेरै रहेको छ।

नेपालमा हालसम्म ८६ पेटेन्ट र २९६ डिजाइन दर्ता भएका छन्। दर्ता भएकामा ५० वटा स्वदेशी पेटेन्ट छन् भने ३६ वटा विदेशी छन्। त्यस्तै डिजाइनमा १२९ वटा स्वदेशी र १६७ विदेशी रहेका छन्।