काठमाडौं- अर्थमन्त्री डा प्रकाशशरण महतले चालु वर्षको सरूदेखि नै दबाबमा रहेको अर्थतन्त्रको बाह्य क्षेत्र सहज भएको बताएका छन्।
विदेशी मुद्राको सञ्चिति, भुक्तानी सन्तुलनको अवस्था आरामदायक रहेको उनको भनाइ छ।
चालु आर्थिक वर्षको आर्थिक सर्वेक्षण प्रतिनिधिसभामा प्रस्तुत गर्दै महतले अर्थतन्त्रमा केही समस्या र दबाब भएपनि बाह्य क्षेत्र सन्तोषजनक रहेको बताए।
पेट्रोलिमय पदार्थको मूल्य घट्नेक्रममा रहेकाले यो प्रवृत्ति कायमै रहेमा मुल्यको दबाब पनि न्यून हुने उनको विश्वास छ।
तर राजस्व संकलनमा आएको कमीका कारणले आन्तरिक सार्वजनिक वित्तीय अवस्था भने दबाबमा रहेको महतले बताए।