काठमाडौं- मंगलाबार तीन वाणिज्य बैंक सहित पाँच कम्पनीको साधारणसभा हुँदैछ। कुमारी बैंक, सिटिजन्स बैंक इन्टरनेशनल, सांग्रिला डेभलपमेन्ट बैंक, साल्ट ट्रेडिङ कर्पोरेशन र शिवम् सिमेण्ट्सले साधारणसभा गर्न लागेका हुन्।
कुमारी बैंकले बिहान ११ः३० बजे नक्सालस्थित कार्यालयमा साधारण सभा बोलाएको हो। सभाले ६ प्रतिशत बोनस सेयर र २.६७ प्रतिशत नगद लाभांश वितरण गर्ने प्रस्ताव पारित गर्नेछ।
सिटिजन्स बैंकले प्रधान कार्यालय दरबारमार्गमा अपरान्ह ४ बजे सभा डाकेको छ। उक्तसभाले १२.९१ प्रतिशत बोनस सेयर र ३.०८७ प्रतिशत नगद लाभांश करसहित वितरण गर्ने प्रस्ताव पारित गर्नेछ।
यस्तै, सांग्रिला डेभलपमेन्ट बैंकले मंगलबार बिहान १० बजे लैनचौर ब्याक्वेटमा सभा गर्ने भएको हो। उक्त सभाले सभाले १० प्रतिशत बोनस सेयर र ०.५२ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ।
त्यसैगरि बिहान ११ बजे केन्द्रीय कार्यालय कालिमाटीमा हुने साल्ट ट्रेडिङ कर्पोरेशनको सभाले २० प्रतिशत बोनस सेयर र ५ प्रतिशत नगद लाभांश वितरण गर्ने प्रस्ताव पारित गर्नेछ। मंगलबार होटेल सोल्टीमा सभा आयोजना गरेको शिवम् सिमेण्टले २९ प्रतिशत नगद लाभांश करसहित वितरण गर्ने प्रस्ताव पारित गर्नेछ।
