.gif)
.gif)
काठमाडौं- बागमती प्रदेशमा चल्ने सार्वजनिक यातायातको भाडा घटेको छ।
पेट्रोलियम पदार्थको मूल्य घटेको झन्डै एक सातापछि बागमती प्रदेश सरकारले बिहीबार अन्तर पालिकामा चल्ने सार्वजनिक सवारीका साधनको भाडा समायोजन गरेको हो। सवारीमा लाग्ने भाडाको ५ प्रतिशत भाडा घटाइएको हो।
बाग्मती प्रदेशको श्रम, रोजगार तथा यातायात मन्त्रालयका अनुसार उपत्यकाभित्र सञ्चालन हुने सिटी बसमा हाल रहेको भाडा दरमा बिहीबारबाट लागु हुने गरी ५.९० प्रतिशतले घट्ने छ।
यस्तै, बागमती प्रदेशभित्र अन्तर पालिका चल्ने मालबाहक सवारीका साधनमा ५.६९ र यात्रुबाहक बसमा ४.१८ प्रतिशतले भाडा दर घटाउने निर्णय मन्त्रालयले गरेको छ।
