काठमाडौं- बुधबार सुनको मूल्य प्रतितोला ६ सय रूपैयाँले बढेको छ। मंगलबार प्रतितोला ८ सय रूपैयाँले घटेको सुनको मूल्य बुधबार प्रतितोला ६ सय रूपैयाँले बढेकाे हो।
बुधबार छापावाल सुनको मूल्य प्रतितोला एक लाख ९ हजार ८ सय र तेजाबी सुनको मूल्य एक लाख ९ हजार ३ सय रूपैयाँ कायम रहेको नेपाल सुनचाँदी व्यवसायी महासंघले जनाएको छ।
चाँदीको मूल्य भने आज पाँच रूपैयाँले घटेको छ। चाँदीको मूल्य बुधबार प्रतितोला एक हजार ३ सय ६० रूपैयाँ कायम छ।
मंगलबार छापावाल सुनको मूल्य प्रतितोला एक लाख ९ हजार २ सय र तेजाबी सुनको मूल्य प्रतितोला एक लाख ८ हजार ७ सय रूपैयाँ कायम थियो भने चाँदीको मूल्य एक हजार ३ सय ६५ रूपैयाँ कायम थियो।