काठमाडौं- सगरमाथा आरोही पासाङ दावा शेर्पाले २७औँ पटक सगरमाथाको सफल आरोहण गरेका छन्।
खुम्बु पासाङ ल्हामु गाउँपालिका वडा नं ४ का आरोही शेर्पा सोमबार सगरमाथाको चुचुरोमा पुगेका हुन्। उनले २७औँ पटक सगरमाथाको सफल आरोहण गरेसँगै अर्का आरोही कामिरिता शेर्पासँगको कीर्तिमान बराबरी भएको छ।
कामिरिताले यसै सिजनमा जेठ ३ गते २७औँ पटक सगरमाथाको सफल आरोहण गरी कीर्तिमान राखेका थिए।
कामिरिता यसै सिजनमा पुन: आरोहणको तयारीमा छन्। २७औँ पटकको आरोहण सफल भएसँगै उनी २८औँ पटक सगरमाथाको आरोहण गरी कीर्तिमान राख्ने तयारीमा लागेका हुन्।