.gif)
काठमाडौं- सिभिल बैंकले तीन महिनाको नाफा २०१.८६ प्रतिशतले बढाएको छ। आर्थिक वर्ष २०७८/७९ को पहिलो तीन महिनाको विवरण अनुसार अधिकांश वित्तीय सूचकमा सुधार आएको छ। सिभिलले २९ करोड १८ लाख ४० हजार रुपैयाँ खुदा नाफा कमाएको छ। बैंकले गतवर्षको तीन महिनामा ९ करोड ६६ लाख ७८ हजार रुपैयाँ खुद नाफा कमाएको थियो ।
35(1).gif)
बैंकले खुद ब्याज आम्दानी र संचालन मुनाफामा उच्च वृद्धि हुँदा बैंकको खुद नाफा तेब्बरले बढेको हो। बैंकको खुद ब्याज आम्दानी ४२.८१ प्रतिशतले बढेर ७१ करोड ७ लाख रुपैयाँ पुगेको छ। यस्तै, संचालन नाफा तीन गुणाले बढेर ४२ करोड रुपैयाँ पुगेको छ।
८ अर्ब ६८ करोड चुक्ता पुँजी रहेको बैंकको जगेडा कोषमा १ अर्ब ५२ करोड रुपैयाँ र रिटेन्ड अर्निङमा ९१ करोड ९७ लाख रुपैयाँ संचित छ। असोज मसान्तसम्ममा बैंकले ९२ अर्ब ७३ निक्षेप संकलन गरी ८१ अर्ब ९२ रुपैयाँ कर्जा लगानी गरेको छ।
खुद नाफासँगै बैंकको प्रतिसेयर आम्दानी पनि तीन गुणाले बढेको छ। समीक्षा अवधिमा सिभिलको प्रतिसेयर आम्दानी ४.८३ रुपैयाँबाट बढेर १३.५१ रुपैयाँ पुगेको छ।
