 (2).gif)
काठमाडौं- सडक बोर्ड नेपालले विभिन्न तीन स्थानमा ८२ करोड रुपैयाँ भन्दा बढीको सडक दस्तुर संकलन गर्न टेण्डर आह्वान गरेको छ। बोर्डले पूर्वपश्चिम राजमार्गको हेटौंडा-नारायणगढ खन्ड, बीपी राजमार्गको धुलिखेल-खुर्कोट र खुर्कोट-सिन्धुली-बर्दिवास खन्डका लागि टेण्डर आह्वान गरेको हो।
बोर्डले हेटौंडा-नारायणगढ खन्डा लागि भ्याट सहित ४७ करोड ६३ लाख ६४ हजार १ सय रुपैयाँ, धुलिखेल–खुर्कोट खन्डका लागि २२ करोड २३ लाख ४७ हजार ५ सय रुपैयाँ र खुर्कोट-सिन्धुली-बर्दिवास खन्डका लागि ११ करोड ६ हजार ९२ लाख ९ सय रुपैयाँ अनुमानित रकमको टेण्डर निकालेको हो। सबै खन्डका लागि बिड सेक्युरिट रकम लागन अनुमान बराबर नै राख्नु पर्ने व्यवस्था बोर्डले गरेको छ।
हेटौंडा-नारायणगढ खन्डा र धुलिखेल-खुर्कोट खन्डका लागि २०७८ माघ १ देखि २०८० पुस ९ सम्म, र खुर्कोट-सिन्धुली-बर्दिवास खन्डका २०७८ पुस ६ देखि २०८० पुस ५ सम्म सडक कर उठाउन पाउने बोर्डले निकालेको टेण्डरमा उल्लेख छ।
