काठमाडौं- सरकारले जडीबुटीको व्यवसायीक उत्पादनका लागि वन लिजमा दिने नीति लिएको छ। संघीय संसदको दुबै सदनको संयुक्त बैठकमा सरकारको तर्फबाट राष्ट्रपति रामचन्द्र पौडेलले पेस गरेको आगामी वर्ष २०८०/०८१ को नीति तथा कार्यक्रममा जडीबुटीको व्यवसायी उत्पालनका लागि वन क्षेत्रमा लिजमा दिने विषय समावेश गरिएको छ।
नीति तथा कार्यक्रममा जडीबुटी खेतीको अनुसन्धान¸ व्यावसायिक उत्पादन¸ विस्तार, प्रशोधन र बजारीकरणलाई प्रोत्साहन गरिने विषय समावेश गरिएको छ।
जडीबुटीको व्यावसायिक उत्पादनका लागि वन विनाश नहुने गरी वनक्षेत्र लिजमा उपलब्ध गराउने विषय समावेश गरिएको छ। जडिबुटी प्रशोधन प्रयोगशालाको सुदृढीकरण गर्दै निकासी प्रवर्द्धन गर्नर्ने र दुर्लभ, लोपोन्मुख, रैथाने तथा अन्य महत्त्वपूर्ण वनस्पतिहरूको स्वस्थानीय र परस्थानीय संरक्षण गरिने कार्यक्रममा समावेश गरिएको छ।