काठमाडौं- सरकारले आगामी आर्थिक वर्षमा पुँजी बजारको संरचनागत सुधार गर्ने घोषणा गरेको छ।
शुक्रबार संघीय संसदको संयुक्त बैठकमा आर्थिक वर्ष २०८०/८१ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले पुँजीबजारको विकास र विस्तारको लागि संरचनागत सुधार गरिने घोषणा गरेका हुन्।
उनले पुँजी बजारमा गैरआवासीय नेपालीलाई लगानी खुला गर्ने घोषणा पनि गरेका छन्। वैदेशिक रोजगारीमा जाने युवाहरूलाई सरकारी ऋणपत्र साथै निजी क्षेत्रका आयोजनाको प्राथमिक सेयरमा लगानी गर्न प्रेरित गरिने घोषणा पनि गरिएको छ।