काठमाडौं- सरकारले ढुंगा गिट्टी तथा बालुवा निर्यातको सम्भावनाको खोजी गर्ने घोषणा गरेको छ। 

राष्ट्रपति रामचन्द्र पौडेलले संसदमा प्रस्तुत गरेको आगामी वर्षको नीति तथा कार्यक्रममार्फत् सरकारले वातावरण प्रतिकुल नहुनेगरी ढुंगा गिट्टी तथा बालुको संकलन, उत्खनन् र वितरणका लागि कानूनी व्यवस्था गर्ने घोषणा गरेको छ। 

स्वदेशमै उपयोग तथा विदेशमा निर्यातको सम्भावनाको पनि खोजी गरिने राष्ट्रपतिले घोषणा गरेका छन्। 

यसअघि सरकारले बजेटमै ढुंगा गिट्टीको निर्यातको व्यवस्था गरेपछि यो विषय अदालतमा पुगेको थियो। अब भने सरकारले कानून बनाएरै निर्यात गर्ने घोषणा गरेको छ।