काठमाडौंं- सरकारले उस्तै प्रकृतिका संस्थाहरूलाई मर्जरमा जाने बाटो खोल्ने भएको छ। नियमावली तथा ऐन संशोधन गरेर भए पनि सरकारी बैंक तथा अन्य पूर्वाधार कम्पनीहरुलाई मर्जरमा जाने बाटो खुला गर्ने भएको छ।
सरकारको आगामी आर्थिक वर्षको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले उक्त घोषणा गरेका छन्। यो घोषणासँगै नेपाल बैंक, राष्ट्रिय वाणिज्य बैंक, कृषि विकास बैंकलाई मर्जरमा जाने बाटो खुल्ने छ।
यता नेपाल पूर्वाधार कम्पनी (निफ्रा र हाइड्रो इलेक्ट्रिीसीटी इन्भेष्टमेन्ट एन्ड डेभलवमेन्ट (एआईडीसीएल) पनि मर्जरमा जान सक्ने छन्।
साथै सरकारले रुग्ण उद्योगहरुलाई संचालन वा खारेजीको नीति समेत लिने घोषणा गरेको छ। यो घोषणाले घाटामा गएका सरकारी उद्योग तथा कम्पनीहरुलाई पव्लिक कम्पनी बनाउने वा खारेजीको नीति सरकारले लिने छ।