काठमाडौं । जर्मन कार निर्माता कम्पनी फक्सवागनले पहिलो पटक विद्युतीय कार चार्ज गर्नका लागि ताररहित (वायरलेस) चार्जर बनाउने भएको छ। कम्पनीले अमेरिकामा रहेको आफ्नो इन्नोभेसन सेन्टरमा वायरलेस चार्जर बनाइरहेको छ।
कम्पनीले बनाइरहेको चार्जर ९० प्रतिशत सफल भइसकेको छ। फक्सवागन ग्रुप अन्तर्गतको पोर्स ब्रान्डको विद्युतीय कारका लागि उक्त वायरलेस चार्जर बनाइरहेको कम्पनीको भनाइ छ। सो चार्जरले १० मिनेटमा ८० प्रतिशत चार्ज गर्न सक्छ।
