काठमाडौं- काठमाडौं महानगरपालिकाले जेठ १ गते (आज) देखि कागजरहित सेवाको सुरुवात गरेको छ।
महानगरपालिकाले भवन नक्सा स्वीकृति प्रक्रियाका लागि दर्खास्त फारम भर्नुपर्ने, कार्यालय जानुपर्ने, हार्ड कपी बुझाउनु पर्नेजस्ता परम्परागत शैली बन्द गरी कागजरहित सेवाको सुरुवात गरेको हो।
बैशाख ३१ गतेको प्रमुख स्तरीय निर्णयअनुसार यसका लागि इलेक्ट्रोनिक विल्डिङ् परमिट सिस्टम (इबीपीएस) प्रणाली अद्यावधिक गरिएको छ। यो प्रणाली भवन नक्सा पास गर्ने कामलाई व्यवस्थित बनाउने अनलाइन प्रणाली हो।