.gif)
.gif)
काठमाडौं- आकर्षक तलबमा कतारमा काम लगाइदिन्छु भन्दै ६९ लाख रूपैयाँभन्दा बढी रकम ठगी गर्ने एक जना पक्राउ परेका छन्। कतार पुलिसमा रोजगारीका लागि कतार पठाइदिन्छु भन्दै ठगी गर्ने ४९ वर्षीय रुद्रबहादुर लिम्बु पक्राउ परेका हुन्।
हाल काठमाडौं बस्दै आएका ताप्लेजुङका लिम्बुलाई ठगी अभियोगमा शुक्रबार पक्राउ गरिएको प्रहरीले जनाएको छ।
प्रहरीका अनुसार लिम्बु समेतले १९ जनालाई वैदेशिक रोजगारीको लागि कतारमा पठाई कतार पुलिसमा १ लाख रुपैयाँ भन्दा बढी तलबमा काम लगाइदिन्छु भन्दै प्रलोभनमा पारी पीडितहरूबाट पटकपटक गरी ६९ लाख रुपैयाँ ठगी गरेका हुन्।
उनलाई थप अनुसन्धान तथा कारबाहीको लागि वैदेशिक रोजगार विभाग बुद्धनगर काठमाडौं पठाइएको छ।
