.gif)
.gif)
काठमाडौं- आकर्षक तलबमा वैदेशिक रोजगारीका लागि कम्बोडिया पठाइदिने प्रलोभन देखाएर ३१ लाख रुपैयाँ ठगी गरेको अभियोगमा एक जना पक्राउ परेका छन्।
कम्बोडियाका प्रतिष्ठित कम्पनीमा कम्प्युटर अपरेटरमा २ लाख रूपैयाँभन्दा बढी तलबमा काम लगाइदिन्छु भन्दै प्रलोभनमा पारी पीडितबाट पटकपटक गरी ३१ लाख रुपैयाँ ठगी गरेको अभियोगमा हाल काठमाडौं बस्ने गोरखाका ३१ वर्षीय सुदिप लामा तामाङलाई शुक्रबार साँझ प्रहरीले पक्राउ गरेको हो।
सुदिपले तीन जनालाई कम्बोडिया पठाइदिन्छु भन्दै पीडितबाट पटकपटक गरी उक्त रकम ठगी गरेका हुन्।
थप अनुसन्धान तथा कारबाहीका लागि उनलाई वैदेशिक रोजगार विभाग बुद्धनगर काठमाडौं पठाइएको प्रहरीले जनाएको छ।
