काठमाडौं- अमेरिका लगायतका देशहरूमा पठाइदिन्छु भन्दै तीन करोड ५६ लाख बढी ठगी गर्ने एक जना पक्राउ परेका छन्।
वैदेशिक रोजगारका लागि अमेरिका, जर्मनी, बेलायत तथा जापान लगायतका देशहरूमा ४ लाख रूपैयाँ बढी तलबमा काम लगाइदिन्छु भन्दै ठगी गरेको अभियोगमा भक्तपुर चाँगुनारायण नगरपालिका-६ तेलकोट, नगरकोट बस्ने ६८ वर्षीय सिताराम बास्तोलालाई आइतबार दिउँसो प्रहरीले पक्राउ गरेको हो।
बास्तोला समेतले १०१ जना पीडितहरुबाट पटकपटक गरी ३ करोड ५६ लाख ८ हजार रुपैयाँ ठगी गरेको प्रहरीले जनाएको छ। उनलाई प्रहरीले भक्तपुरको दरबार स्क्वायरबाट नियन्त्रणमा लिएको हो।
उनलाई थप अनुसन्धान तथा कारबाहीको लागि वैदेशिक रोजगार विभाग बुद्धनगर काठमाडौं पठाइएको छ।
