काठमाडौं- नेपाल राष्ट्र बैंकले मरिच, केराउँ र सुपारी आयात पूर्णरुपमा बन्द गरेको छ। राष्ट्र बैंकले उक्त सामान आयातका लागि विदेशी मुद्रा सटही गर्न रोक लगाएको हो।
आयात धेरै बढेका कारण विदेशी मुद्रा सञ्चितिमा चाप परेपछि राष्ट्र बैंकले तीन बस्तुको आयातमा प्रतिवन्ध लगाउन परिपत्र गरेको हो। मरिच केराउको कोटा नतोकिएको र अघिल्लो वर्षको इजाजत सकिएको अवस्था हो।
विदेशी मुद्रा सञ्चितिमा चाप परेपछि राष्ट्र बैंकले १७ असोजमा यस्ता सामानहहरु आयात गर्न विदेशी मुद्रा सटही नगर्ने गरी बैंक तथा वित्तीय संस्थाहरुलाई परिपत्र गरेको थियो।
शुक्रबार भने राष्ट्र बैंकले नयाँ सर्कुलर जारी गर्दै कोटा तोकेको थियो। १० हजार मेट्रिक टन मरिच, ८० हजार मेट्रिक टन केराउ, २५ हजार मेट्रिक टन सुपारी र ५ हजार मेट्रिक टनमात्र आयात हुन दिने गरी शुक्रबार सर्कुलर जारी गरिएको थियो।
शुक्रबारको सर्कुलर शनिबार खारेज गर्दै आयातमा प्रतिवन्ध लगाउने निर्णय गरेको हो।
