काठमाडौं- सिन्धुपाल्चोकको बाह्रबिसेमा ४०० केभी सबस्टेसनका लागि जग्गा अपुग भएपछि थप जग्गा अधिग्रहणको प्रक्रिया अघि बढाइएको छ।
खिम्ती-बाह्रबिसे-लप्सीफेदी ४०० केभी प्रसारणलाइनअन्तर्गत बाह्रबिसे नगरपालिका-४ बेतेमा सबस्टेसन निर्माण गर्न लागिएको हो। सबस्टेसनका लागि केही जग्गा अपुग भएपछि थप जग्गा अधिग्रहणको प्रक्रिया अघि बढाइएको जिल्ला प्रशासन कार्यालय, सिन्धुपाल्चोकले सूचना सार्वजनिक गरी जानकारी गराएको हो।
११ जना व्यक्तिको नाममा रहेको जग्गा अधिग्रहण गर्न लागिएको प्रशासनले जनाएको छ।
१५ दिनभित्र सरोकारवाला व्यक्तिहरुलाई मुआब्जा दाबी गर्न रितपूर्वक निवेदन दिन आग्रह गरिएको छ। तोकिएको म्यादभित्र निवेदन नदिएमा पछि कुनै उजुर बाजुर नलाग्ने उल्लेख छ।