काठमाडौं- सरकारले वैकल्पिक ऊर्जा प्रवर्द्धन केन्द्रको कार्यकारी निर्देशकमा नवराज ढकाललाई नियुक्त गर्ने निर्णय गरेको छ।
केन्द्रका कार्यकारी निर्देशक मधुसुधन अधिकारीको अवकाशपछि पद रिक्त रहेको थियो। सोही पदमा सरकारले ढकाललाई नियुक्त गर्ने निर्णय गरेको हो।
'मन्त्रिपरिषद्को बैठकले सिफारिस भएका तीनजना मध्येबाट ढकाललाई ४ वर्षका लागि कार्यकारी निर्देशक बनाउने निर्णय गरेको हो' एक मन्त्रीले जानकारी दिए।
ऊर्जा, जलस्रोत तथा सिंचाइ मन्त्रालयले रिक्त रहेको उक्त पदका लागि फागुन १४ गते दरखास्त आह्वान गरेको थियो। जसमा २१ जनाले आवेदन दिएका थिए। आवेदन दिएकामध्ये कार्यकारी निर्देशक नियुक्तिका लागि तीनजनाको नाम मन्त्रिपरिषदमा पेस भएको थियो। सिफारिसमा ढकाल, डा. सूर्यकुमार सापकोटा र डा. किरण गौतम परेका थिए।
