काठमाडौ- भारतबाट पेट्रोलियम पदार्थको मूल्य घटेर आएको छ। निगमलाई प्राप्त नयाँ मूल्यअनुसार पेट्रोलमा प्रतिलिटरमा ४.३७ रुपैयाँ घटेर आएको छ।
इन्डियन आयल कर्पोरेशनले हरेक १५ दिनमा नेपाल आयल निगमलाई पठाउने नयाँ मूल्य सूचीअनुसार पेट्रोल लिटरमा ४.३७ रुपैयाँ र डिजल लिटरमा ४.१६ र मट्टीतेलमा ३.४८ रुपैयाँले घटेर आएको छ।
यसैगरी हवाई इन्धनमा २ रुपैयाँ ९५ पैसा र खाना पकाउने एलपी ग्यासमा प्रतिसिलिन्डर ३ सय ९ रूपैयाँ घटेर आएको छ। अब पनि ग्यासमा निगमलाई प्रतिसिलिन्डर करिब साढे २ सय रुपैयाँ घाटा रहेको निमगले जनाएको छ।