काठमाडौं- नेपाल टेलिकमले राष्ट्रिय सूचना तथा सञ्चार प्रविधि दिवस २०२३ को अवसरमा ग्राहकहरुका लागि 'आईसीटी डे अफर' सार्वजनिक गरेको छ।
टेलिकमको उक्त अफरअन्तर्गत कम्पनीले भ्वाइस र डाटा प्याकेज उपलब्ध गराएको छ। टेलिकमका अनुसार अफरमा ४९ रूपैयाँमा १ दिन चलाउन सकिने १ एमबीपीएस अनलिमिटेड डाटा र नेपाल टेलिकमकै नेटवर्कभित्र कल गर्न सकिने १०० मिनेट अन नेट भ्वाइस सेवा उपलब्ध गराइएको छ।
यसैगरी डाटा प्याकेजअन्तर्गत ९८ रूपैयाँमा ३ दिन चलाउन सकिने ६ जीबी डाटा, १ सय ९९ रूपैयाँमा ७ दिन चलाउन सकिने १३ जीबी डाटा, २ सय ९४ रूपैयाँमा १० दिन चलाउन सकिने २० जीबी डाटा र ३ सय ९९ रूपैयाँमा १५ दिन चलाउन सकिने ३० जीबी डाटा प्याकेज उपलब्ध छ।
यो अफर बैशाख १७ (आज) देखि आगामी २०८० बैशाख १९ सम्म लागु हुने टेलिकमले जनाएको छ।
