काठमाडौं- सरकारले परिमाणात्मक बन्देज लागेका वस्तुको आयात अनुमति पाएका व्यवसायीले तोकिएको सीमाभित्र विदेशी मुद्राको सटही सुविधा पाउने भएका छन्।
सरकारले अघिल्लो वर्ष नै परिमाणात्मक बन्देज लगाएका सुपारी, छोकडा र केराउ आयातमा यो वर्ष थप निर्णय गरेको छैन।
इजाजतपत्रको म्यादभित्रै चलान गराएको र गराउने आधार प्रस्तुत गरेमा विदेशी मुद्राको सटही दिन सकिने नेपाल राष्ट्र बैंकले निर्णय गरेको छ।
यसअघि राष्ट्र बैंकले यो वर्षका लागि सरकारले कोटा निर्धारण नगरेकाले सटही सुविधाका बारेमा केही बोलेको थिएन।
