काठमाडौं- सिंगापुर र क्यानडा पठाइदिने प्रलोभन देखाएर ठगी गर्ने दुई जनालाई प्रहरीले पक्राउ गरेको छ।
क्यानडा पठाइदिन्छु भन्दै रकम ठगी गरेको अभियोगमा काठमाडौं बस्ने कास्कीकी ३४ वर्षीया विपना कुँवरलाई सोमबार दिउँसो प्रहरीले पक्राउ गरेको हो। विपनाले वैदेशिक रोजगारीको लागि क्यानडा पठाई वयटरमा काम लगाईदिन्छु भन्दै प्रलोभनमा पारी पीडितबाट पटकपटक गरी ९ लाख रुपैयाँ ठगी गरेको प्रहरीले जनाएको छ।
यस्तै सिंगापुर पठाइदिन्छु भन्दै पीडितबाट पटकपटक गरी ६ लाख ५० हजार ठगी गर्ने झापाका ४१ वर्षीय ओमनाथ मैनालीलाई पनि प्रहरीले सोमबार काठमाडौंको बबरमहलबाट पक्राउ गरेको छ।
गोकर्णश्वर जुम्बुडाँडाबाट पक्राउ परेकी विपना र काठमाडौं बस्दै आएका मैनाली दुवैलाई थप अनुसन्धान तथा कारबाहीका लागि वैदेशिक रोजगार विभाग बुद्धनगर काठमाडौंमा पठाइएको प्रहरीले जनाएको छ।
