काठमाडौं- त्रिभुवन अन्तर्राष्ट्रिय विमानस्थलबाट दुबईका लागि उड्नेवित्तिकै आगलागी भएको फ्लाइ दुबईको जहाज काठमाडौं विमानस्थलमै आकस्मिक अवतरण गर्न असफल भएको छ।
विमानस्थलबाट उड्नेवित्तिकै समस्या देखिएपछि आकस्मिक अतवरणको प्रयास भएपनि जहाज नियमित रुटमै उडेको छ।
जहाजमा धेरै इन्धन भएको तथा मौसमी कारणले गर्दा काठमाडौं विमानस्थलमै अवतरण गर्नु जोखिमपूर्ण हुने भएकाले जहाज दुबईतर्फ उडेको हो।
अहिले इन्जिनमा देखिएको आगोभन्दा पनि लाइट रिफ्लेक्सन भएको हुनसक्ने र उडानका लागि समस्या नभएकाले सुरक्षित उडानमा रहेको नेपाल नागरिक उड्डयन प्राधिकरणका महानिर्देशक प्रदीप अधिकारीले जानकारी दिए।