काठमाडौं- वैदेशिक रोजगारीका लागि न्यूजिल्याण्ड पठाइदिन्छु भन्दै लाखौँ ठगी गर्ने धादिङका एक युवक पक्राउ परेका छन्।काठमाडौं बस्दै आएका ३८ वर्षीय हरिजंग गुरुङलाई आइतबार प्रहरीले पक्राउ गरेको हो।
उनले न्यूजिल्याण्डको एक प्रतिष्ठित होटलमा एक लाख ५० हजार रूपैयाँ मासिक तलब हुने काम लगाइदिन्छु भन्दै पटकपटक गरी पीडितहरुबाट ५ लाख ६ हजार ठगी गरेको प्रहरीले जनाएको छ।
गुरुङलाई काठमाडौंको बानियाँटारबाट पक्राउ गरी थप अनुसन्धान तथा कारबाहीका लागि वैदेशिक रोजगार विभाग बुद्धनगर पठाइएको प्रहरीले जनाएको छ।