काठमाडौं- सरकारले ४ अर्बको रासायनिक मल खरिद गर्ने भएको छ। मल खरिदका लागि कृषि सामाग्री कम्पनी लिमिटेडले कम्पनी छनोट गरेको छ।
कम्पनीले ३० हजार मेट्रिक टन युरिया र २५ हजार मेट्रिक टन डीएपी मल खरिदका लागि कम्पनी छनोट गरेको हो।
लिमिटेडले स्वीस सिंगापुर ओभरसिज इन्टरप्राइजेजसँग प्रति मेट्रिक टन ४ सय २५ डलरमा ३० हजार मेट्रिक टन युरिया मल खरिद गर्न लागेको हो।
लिमिटेडले नेपाल राष्ट्र बैंकले सोमबारमा लागि तोकेको १ डलर बराबर १३१ रुपैयाँ ६५ पैसाको दर १ अर्ब ६७ करोड ८५ लाख ३७ हजार ५ सय रुपैयाँको युरिया मल खरिद गर्न लागेको हो। लिमिटेडले १ करोड २७ लाख ५० हजार डलरको युरिया मल खरिद गर्न लागेको हो।
यसैगरी लिमिटेडले २ अर्ब २८ करोड २० लाख ८६ हजार ९ सय २५ रुपैयाँमा २५ हजार मेट्रिक टन डीएपी मल खरिदका लागि कम्पनी छनोट गरेको हो। लिमिटेडले प्रतिमेट्रिक टन ६९३.३८ डलरमा कुल १ करोड ७३ लाख ३४ हजार ५ सय डलरमा डिएपी मल खरिदका लागि कमोडिटी फस्ट यूएई छनोट गरेको हो।