काठमाडौं- तनहुँ क्षेत्र नम्बर १ मा भएको उपनिर्वाचनको मतगणना जारी छ। जारी मतगणनामा राष्ट्रिय स्वतन्त्र पार्टीका डा स्वर्णिम वाग्लेले अग्रता कायमै राखेका छन्।
१८ हजार ६६१ मत गणना हुँदा १० हजार २५९ मतका साथ वाग्ले अग्रस्थानमा छन्। दोस्रोमा रहेका नेपाली कांग्रेसका गोविन्द भट्टराईले भने ५ हजार ३ मत प्राप्त गरेका छन्। नेकपा एमालेका सर्वेन्द्र खनालले भने २ हजार ७७९ मत पाएका छन्।
मंसिरमा सम्पन्न निर्वाचनमा त्यहाँबाट नेपाली कांग्रेसका रामचन्द्र पौडेल विजयी भएका थिए। पौडेल राष्ट्रपति भएपछि उक्त क्षेत्रमा उपनिर्वाचन भएको थियो।