काठमाडौं- आइतबार नेपाली बजारमा सुनचाँदीको मूल्य घटेको छ। शुक्रबार प्रतितोला चारसय रूपैयाँले बढेको सुनको मूल्य आइतबार नौसय रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार शुक्रबार छापावाल सुनको मूल्य एक लाख ९ हजार ३ सय र तेजाबी सुनको मूल्य प्रतितोला एक लाख ८ हजार ८ सय रूपैयाँ कायम छ। शुक्रबार छापावाल सुनको मूल्य प्रतितोला एक लाख १० हजार दुईसय र तेजाबी सुनको मूल्य प्रतितोला एक लाख ९ हजार ६ सय ५० रूपैयाँ कायम थियो।
आज चाँदीको मूल्य पनि घटेको छ। शुक्रबार एक हजार चारसय ४५ रूपैयाँमा कारोबार भएको चाँदीको मूल्य आइतबार प्रतितोला एक हजार चारसय ४० रूपैयाँ कायम छ।