काठमाडौं- काठमाडौं महानगरपालिकाले एक सय जना नगर प्रहरी करारमा भर्ती गर्ने भएको छ। महानगरले सार्वजनिक सूचना जारी गर्दै एक सय जना नगर प्रहरी करारमा लिन लागेको उल्लेख गरेको छ।
सूचनाअनुसार खुला तथा आरक्षणमा गरी सय जना करारमा भर्ती लिइने छ। करारमा लिँदा महानगरले नेपाल प्रहरीको गएको चैतमा लिएको परीक्षामा वैकल्पिक सूचीमा भएको योग्यताक्रमलाई आधार लिने छ।
प्रहरीको वैकल्पिक सूचीमा भएकालेमात्र यसमा आवेदन दिन सक्नेछन्।