.gif)
.gif)
काठमाडौं- शुक्रबार दिउँसो हावाहुरी चल्दा स्वयम्भू भगवानपाउमा रुख ढलेर सडक अवरूद्ध भएको छ।
हावाहुरीले गर्दा रुख ढलेर दुईतर्फी यातायात अवरुद्ध रहेको र विपद् उद्धार टोलीले रुख काटेर सवारी खुलाउने प्रयास गरिरहेको प्रहरीले जनाएको छ।
त्यस्तै कोटेश्वर फुलचोकी मार्गमा बिजुलीको पोल ढल्किएको तर यातायात भने अवरुद्ध नभएको प्रहरीले जनाएको छ। ढल्किएको पोलले क्षति नहोस् भन्नका लागि विद्युत प्राधिकरणसँग थप समन्वय भइरहेको प्रहरीले जनाएको छ।
यस्तै हुरीका कारण प्रभावित बनेको त्रिभुवन अन्तर्राष्ट्रिय विमानस्थलबाट हुने हवाई उडान भने अहिले पुनःसञ्चालनमा आएको छ।
