काठमाडौं- चालु आर्थिक वर्षको ९ महिनामा वस्तु व्यापार घाटा १७ प्रतिशतले घटेको छ।
भन्सार विभागको तथ्यांक अनुसार यो वर्षको साउनदेखि चैतसम्म १० खर्ब ८३ अर्ब २२ करोड व्यापार घाटा कायम भएको छ। यो गत वर्षको तुलनामा १७ प्रतिशतले न्यून हो।
गत वर्षको यही अवधिमा व्यापार घाटा १३ खर्ब ६ अर्ब पुगेको थियो।
चालु वर्षको नौं महिनामा १२ खर्ब १ अर्ब ५० करोड रुपैयाँको वस्तु आयात भएको थियो। आयात गत वर्षको तुलनामा १८ प्रतिशतले घटेको छ। गत वर्षको यो अवधिमा १४ खर्ब ६६ अर्बको आयात भएको थियो।
त्यस्तै यो वर्ष निर्यात पनि २६ प्रतिशतले घटेको छ। नौ महिनामा १ खर्ब १८ अर्ब रुपैयाँ बराबरको निर्यात भएको छ। गत वर्षको यही अवधिमा १ खर्ब ३० अर्बको निर्यात भएको थियो।