काठमाडौं- नेपाल वायुसेवा निगम (नेपाल एयरलाइन्स) को अपरेसन विभाग प्रमुखमा क्याप्टेन श्रवण रिजाल नियक्त भएका छ्न्।
वाइडडी जहाजको प्रशिक्षक पाइलट रहेका रिजाललाई एयरलाइन्सको अपरेसन विभाग प्रमुख बनाइएको हो। निगमका कार्यकारी अध्यक्ष युवराज अधिकारीले यअसघि योग्यता नपुगेका उद्धव घिमिरेलाई प्रमुख बनाएका थिए।
घिमिरेको योग्यता नपुगेपछि नेपाल नागरिक उड्डयन प्राधिकरणले स्पष्टीकरण सोधेको थियो। अधिकारीले अपरेसन विभाग प्रमुख रवीन्द्र शेरचनलाई हटाएर योग्यता नै नपुगेका आफूनिकट पाइलट घिमिरेलाई प्रमुखको जिम्मेवारी दिएका थिए।
निगम आफैले स्वीकृत गर्दै कार्यान्वयनमा ल्याएको अपरेसन म्यानुअल विपरित योग्यता नै नपुगेका जुनियर पाइलटलाई विभागको जिम्मेवारी दिएर सुरक्षामा नै गम्भीर लापरबाही गरेका थिए।
घिमिरेको विषयमा नियामकबाटै आपत्ति भएपछि उनलाई हटाए रिजाललाई अपरेसन विभाग प्रमुख बनाइएको हो।