काठमाडौं- बुधबार काठमाडौंमा सम्पन्न नेपाल उद्योग वाणिज्य महासंघको निर्वाचनबाट वस्तुगत तर्फको उपाध्यक्षमा हेमराज ढकाल निर्वाचित भएका छन्।
वरिष्ठ उपाध्यक्षका उम्मेदवार उमेशलाल श्रेष्ठको प्यानलबाट चुनावमा होमिएका ढकालले ६१ मत ल्याएर विजयी भएका हुन्।
उनका निकटतम प्रतिद्वन्दी मनिषलाल प्रधानले ५२ मत ल्याएका छन्। त्यस्तै अर्का उम्मेदवार शकुन्तलाल हिराचनले ७ मत ल्याएका छन्।
विभिन्न वस्तुगत एसोसिएसनहरू सदस्य हुने यो समूहमा १२३ सदस्य थिए। बुधबार भएको निर्वाचनमा सबै मत खसेको थियो।
महासंघको निर्वाचनमा तीनवटै वरिष्ठ उपाध्यक्षका उम्मेदवारले वस्तुगत तर्फ उपाध्यक्ष उठाएका थिए। वस्तुगत तर्फका सदस्यको मतगणना यसअघि नै सम्पन्न भइसकेको छ।
