काठमाडौं- सगरमाथा आरोहणका क्रममा हिमपहिरोमा परी ३ जना शेर्पा बेपत्ता भएका छन्।
आरोहणका क्रममा खुम्बु आइसफल भत्किएर हिमपहिरो जाँदा क्याम्प-१ भन्दा तल हिउँमा पुरिएर खुम्बु पासाङ ल्हामु गाउँपालिका-५ का तेम्वा तेन्जिङ शेर्पा, लाक्पा रिता शेर्पा र बादुरे शेर्पा बेपत्ता भएका हुन्।
विभागका निर्देशक युवराज खतिवडाका अनुसार उनीहरु बिहान साढे ९ बजेदेखि बेपत्ता छन्। अहिले सिम्रिक एयरको हेलिकप्टरमार्फत उनीहरुको खोजी कार्य भइरहेको छ।
अहिले सगरमाथा आरोहणलाई सहज बनाउन बाटो बनाउने काम भइरहेको छ। उनीहरु सगरमाथा आरोहणको सिजन सुरु भएसँगै सुरु भएको बाटाे बनाउने काममा खटिएका थिए।