काठमाडौं- एनआईसी एसिया बैंकका ग्राहकहरूले काठमाडौंको न्यूरोडस्थित केसर स्वीट्स अन्तर्गतको बर्फी स्वीट्समा डिजिटल भुक्तानी गर्दा १० प्रतिशतसम्म छुट पाउने भएका छन्।
बैंक र स्वीट्सबीच छुटसम्बन्धी समझदारी भएसँगै बैंकका ग्राहकहरुले बर्फी स्वीट्स विभिन्न परिकारहरु खरिदका क्रममा डिजिटल माध्यमबाट भुक्तानी गर्दा १० प्रतिशत छुट पाउने भएका हुन्।
समझदारीपत्रमा यस बैंकको तर्फबाट लाइफ स्टाइल बैंकिङ युनिभर्स प्रमुख श्याम प्रसाद लामिछाने र बर्फी स्वीट्सको तर्फबाट सह-संस्थापक प्रिया तयालले हस्ताक्षर गरे। योसँगै एनआईसीमा खाता सञ्चालन गरी मोबाइल बैंकिङ, डेबिट कार्ड, क्रेडिट कार्ड वा प्लाटिनम कार्ड प्रयोग गरिरहेका ग्राहकहरूले सो सुविधा प्राप्त गर्न सक्नेछन्।