काठमाडौं- लगातार बढिरहेको सुनकाे मूल्य बुधबार हालसम्मकै उच्च बिन्दुमा पुगेको छ।

बुधबार प्रतितोला दुई हजार रूपैयाँले बढ्दै सुनको मूल्य हालसम्मकै महँगो भएको हो। बुधबार छापावाल सुनको मूल्य प्रतितोला एक लाख ११ हजार र तेजाबी सुनको मूल्य प्रतितोला एक लाख १० हजार ४ सय ५० रूपैयाँ कायम छ।

यसअघि चैत्र ५ मा सुनको मूल्य

मंगलबार तोलामा एक हजार रूपैयाँले बढेर छापावाल सुन प्रतितोला एक लाख ९ हजार र तेजाबी सुन प्रतितोला एक लाख ८ हजार पाँचसय कायम थियो। सोमबार छापावाल सुन प्रतितोला एक लाख ८ हजार र तेजाबी सुनको मूल्य प्रतितोला एक लाख ७ हजार पाँचसय रूपैयाँ कायम थियो। 

बुधबार चाँदीको मूल्य पनि बढेको छ। चाँदी बुधबार प्रतितोला ४० रूपैयाँले बढेर तोलाको एक हजार ४ सय ४० रूपैयाँ कायम छ। मंगलबार चाँदीको मूल्य प्रतितोला एक हजार चारसय रूपैयाँ कायम थियो।