काठमाठौं- बहुपक्षीय वित्तीय संस्था विश्व बैंक र एसियाली विकास बैंकले नेपाली अर्थतन्त्रको विस्तार थप संकुचित हुने प्रक्षेपण गरेका छन्।
यी दुबै संस्थाले आज सार्वजनिक गरेको रिपोर्ट अनुसार यो वर्ष नेपालको आर्थिक वृद्धिदर ४.१ प्रतिशतमा सीमित हुने प्रक्षेपण गरिएको छ। विश्व बैंकले यसअघिको प्रक्षेपणबाट १ प्रतिशतले घटाएको छ।
त्यस्तै एडीबीले पनि यसअघिको प्रक्षेपणबाट घटाएको हो।
चालु आर्थिक वर्षको छ महिनासम्म भएको आयातमा कडाइ, विश्वव्यापी मूल्यवृद्धि तथा अन्य आन्तरिक बजारको सुस्तताको असर आर्थिक वृद्धिदरमा देखिएको छ।
यद्यपि आगामी आर्थिक वर्षमा भने अर्थतन्त्र विस्तार हुने अनुमान गरिएको छ। विश्व बैंकले पर्यटनमा भइरहेको विस्तार तथा खुकुलो हुनसक्ने मौद्रिक नीतिको प्रभाव आगामी वर्ष देखिने छ।
विश्व बैंले आगामी वर्ष नेपालको अर्थतन्त्र ४.९ प्रतिशतले विस्तार हुने प्रक्षेपण गरेको छ। त्यस्तै एडीबीले पनि ५ प्रतिशतको वृद्धिदर कायम हुने प्रक्षेपण गरेको छ।
