काठमाडौं- सिटिजन्स बैंक इन्टरनेसनल लिमिटेड र कलंकीस्थित दृष्टि आई केयर सेन्टरबीच छुटसम्बन्धी सम्झौता भएको छ।
बैंकका प्रतिनिधि र आई केयरका प्रतिनिधिबीच समझदारीपत्रमा हस्ताक्षर भएसँगै अब सिटिजन्सका कार्डबाहक ग्राहकहरुले उक्त दृष्टि आई केयरमा २० रूपैयाँसम्मको छुट प्राप्त गर्न सक्नेछन्।
यो सहकार्यबाट बैंकका ग्राहकहरु लाभान्वित हुने तथा बैंकको विश्वास छ। साथै यसले नगद कारोबारबाट डिजिटल कारोबारतर्फ उत्प्रेरित गर्ने पनि बैंकले विश्वास लिएको जनाएको छ।
बैंकले डिजिटल बैंकिङ माध्यमहरुको प्रयोगलाई बढाउन र ग्राहकहरुलाई डिजिटल माध्यमबाट भुक्तानी गर्न प्रोत्साहन गर्न समय समयमा ग्राहकमैत्री सुविधाहरु सञ्चालनमा ल्याउँदै आएको छ।