काठमाडौं- सिटिजन्स बैंक इन्टरनेसनल लिमिटेडको सुदूरपश्चिम प्रदेशअन्तर्गत धनगढी शाखाले नि:शुल्क स्वास्थ्य शिविर सञ्चालन गरेको छ।
बैशाख ७ गते हुने बैंकको १६औँ वार्षिकोत्सवको अवसरमा बैंकले संस्थागत सामाजिक उत्तरदायित्वअन्तर्गत शनिबार कैलालीको गौरीगंगा नगरपालिका वडा नं ५ अण्डैया नि:शुल्क स्वास्थ्य शिविर सञ्चालन गरेको हो।
शिविरमा करिब ३ सय जनाले निःशुल्क स्वास्थ्य परीक्षण गरेका थिए। आवश्यक औषधिहरु समेत निःशुल्क वितरण गरिएको थियो। शिविरमा अत्तरिया अस्पतालका डा.आनन्द पाठक, डा. अनिश कुमार शाह, डा. सीता बम र डा. धनसार जागरीको नेतृत्वमा रहेको टोलीले सुगर, प्रेसरसहित सामान्य स्वास्थ्य जाँच गरेका थिए।
.jpg)
गाउँगाउँमा शिविरको आयोजना गरी रोगको उपचार मात्र नभएर रोगको रोकथाम गर्ने उद्देश्यअनुरुप शिविरको आयोजना गरिएको बैंकले जनाएको छ। निकट भविष्यमा बैंकले संस्थागत सामाजिक उतरदायित्व कार्यक्रमअन्तर्गत यस्ता स्वास्थ्य शिविर प्रदेशका अन्य शाखाहरु मार्फत पनि सञ्चालन गरिने बैंकले जनाएको छ।
