 (2).gif)
काठमाडौं- राष्ट्रपति रामचन्द्र पौडेलले प्रधानमन्त्री पुष्पकमल दाहाल प्रचण्ड को सिफारिसमा मन्त्रिपरिषद् गठन गरेका छन्।
राष्ट्रपति पौडेलले गत पुस ११ गते गठित मन्त्रिपरिषद्मा नेपालको संविधानको धारा ७६ को उपधारा ९ बमोजिम मन्त्रीको नियुक्ति, हेरफेर र कार्यविभाजन गरेको राष्ट्रपति कार्यालयका प्रवक्ता सागर आचार्यले जानकारी दिएका छन्।
नवगठित मन्त्रिपरिषद् १७ सदस्यीय बनेको छ। मन्त्रिपरिषद्ले अझै पूर्णता पाउन नसक्दा प्रधानमन्त्री दाहालको जिम्मामा कानून, न्याय तथा संसदीय मामिला, परराष्ट्र, वन तथा वातावरण, युवा तथा खेलकुद, स्वास्थ्य तथा जनसङ्ख्या र खानेपानी मन्त्रालय रहेको छ।
प्रधानमन्त्री - पुष्पकमल दाहाल प्रचण्ड
उपप्रधानमन्त्री एवं रक्षामन्त्री - पूर्णबहादुर खड्का
उपप्रधानमन्त्री एवं गृहमन्त्री - नारायणकाजी श्रेष्ठ
कृषि तथा पशुपक्षी विकासमन्त्री - डा बेदुराम भुसाल
शिक्षा, विज्ञान तथा प्रविधिमन्त्री - अशोककुमार राई
श्रम रोजगार तथा सामाजिक सुरक्षामन्त्री - शरतसिंह भण्डारी
अर्थमन्त्री - डा प्रकाशशरण महत
महिला, बालबालिका तथा ज्येष्ठ नागरिकमन्त्री - महिन्द्रराय यादव
ऊर्जा, जलस्रोत तथा सिँचाइमन्त्री - शक्तिबहादुर बस्नेत
सञ्चार तथा सूचना प्रविधिमन्त्री -रेखा शर्मा
संस्कृति पर्यटन तथा नागरिक उड्डयनमन्त्री - सुदन किराती
संघीय मामिला तथा सामान्य प्रशासनमन्त्री - अमनलाल मोदी
भौतिक पूर्वाधार तथा यातायातमन्त्री - प्रकाश ज्वाला
भूमि व्यवस्था, सहकारी तथा गरिबी निवारणमन्त्री - रञ्जिता श्रेष्ठ
उद्योग वाणिज्य तथा आपूर्तिमन्त्री - रमेश रिजाल
शहरी विकासमन्त्री - सीता गुरुङ
संस्कृति पर्यटन तथा नागरिक उड्डयन राज्यमन्त्री - सुशिला सिर्पाली ठकुरी
