काठमाडौं- यो साता सुनचाँदीको मूल्य निरन्तर ओरालो लागिरहेको छ।
तीन दिनमा सुनको मूल्य एक हजार ८ सय रूपैयाँले सस्तिएको छ। आइतबार ६ सय रूपैयाँले घटेको सुनको मूल्य सोमबार दुई सय रूपैयाँले घटेको थियो। मंगलबार एक हजार रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार मंगलबार छापावाल सुनको प्रतितोला मूल्य एक लाख ८ हजार र तेजाबी सुनको मूल्य प्रतितोला एक लाख ७ हजार ५ सय रूपैयाँ कायम छ।
सोमबार छापावाल सुन प्रतितोला एक लाख ९ हजार र तेजाबी सुनको मूल्य प्रतितोला एक लाख ८ हजार पाँचसय कायम थियो। आइतबार छापावाल सुन प्रतितोला एक लाख ९ हजार दुईसय र तेजाबी सुनको मूल्य प्रतितोला एक लाख ८ हजार ७ सय रूपैयाँ ताेकिएको थियो।
चाँदीको मूल्य आज प्रतितोला पाँच रूपैयाँले घटेर एक हजार ३ सय ५५ रूपैयाँमा कारोबार भइरहेको महासंघले जनाएको छ।
